Dieta me shumë proteina



Të humbasësh yndyrnat dhe të rrisësh masën e muskujve..

Dieta me shumë proteinaE ka origjinën në vitet ’60 dhe pati menjëherë një sukses të jashtëzakonshëm, i cili nuk shteroi kurrë. Parimi? Të humbasësh yndyrnat dhe të rrisësh masën e muskujve.
 
“Zoom” mbi proteinat
 
Proteinat përbëhen nga 20 aminoacide, nga të cilat 8 janë të domosdoshme, pasi organizmi i njeriut nuk arrin t’i prodhojë. Ashtu si sheqeri dhe yndyrnat, proteinat janë makro-ushqime, sepse i japin energji organizmit (1 g proteina = 4 kkal). Janë vërtet të domosdoshme dhe duhet të japin të paktën 15% të nevojave totale ditore me energji. Proteinat janë të pranishme sidomos në produktet me origjinë shtazore (mishi, shpendët, sallami, peshku, vezët, prodhimet e detit, bulmetrat), por edhe në ato bimore (fasulet, soja, kërpudhat, frutat me vaj, rrënjët, etj)
 
Përse ndihmojnë për dobësimin

• Ulin urinë – proteinat ngopin shpejt, gjë që do të thotë se pas një vakti të pasur me këto substanca, nuk ke më dëshirë të ngacmosh ushqime të tjera.
• Zhvillojnë muskujt – me një dietë pa proteina, masa e muskujve bie. Me dietën e pasur me proteina, eliminohet vetëm dhjami. Ky është një element pozitiv, sepse jo vetëm që muskujt zënë më pak vëllim, hymë më me lehtësi në pantallonat që na rrinin të ngushta, por edhe djegin kalori në mënyrë të përhershme, gjë që yndyrnat nuk mund ta bëjnë.
• Të bëjnë të ndihesh më pak i lodhur – ndryshe nga dietat me shumë kalori, dieta me shumë proteina të jep një ndjenjë mirëqenie, humori të mirë dhe gjallëri. Nuk ndihesh i lodhur nga lëvizja më e vogël, përkundrazi: mund të bësh edhe sport sa të duash!
• I japin energji organizmit – dietat me shumë proteina jo vetëm që nuk janë të dëmshme për organizmin, por përmirësojnë metabolizmin bazë, funksionimin e hormoneve, forcën e kockave, shëndetin e sistemit kardiovaskular.

Të dobësohesh me proteina

Dieta bazë qëndron në konsumimin e shumë proteinave (1 g proteinë / i kg masë trupore). Fillojnë të gjitha me një fazë pa sheqer (as brumëra e as produkte me sheqer) dhe me shumë pak yndyrna. Këto të fundit fillojnë të hyjnë përsëri gradualisht në dieta, nëpërmjet ushqimit, sipas rezultateve të dietës. Kjo lloj diete bazohet sidomos në proteinat natyrale (konsumohen vetëm produkte ushqimore të pasura me proteina e me shumë pak kalori: djathëra të freskëta, kos, vezë, mish e peshk pa yndyrë), por edhe suplementë ushqimorë (çdo ditë konsumohet një supë, krem me shumë proteina, vitamina e minerale, por me shumë pak kalori, 200 – 400 kkal për porcion). Në të dyja rastet plotësohet me bulmetra pa yndyrë dhe perime.

Avantazhet, vështirësitë, këshillat

Pro – Me këtë lloj diete, shpesh dobësimi është i shpejtë, edhe në rastet më të vështira. Me të i garantohen organizmit proteinat që i duhen. Ne nuk kemi uri dhe nuk ndihemi të lodhur.

Kundër – Duke konsumuar shumë proteina rëndohet funksionimi i veshkave dhe mëlçisë. Ato janë dieta monotone dhe kufizuese, shkaktojnë shpesh lodhje e zhgënjim. Me kalimin e kohës, dështimet janë të shumta.

Këshillat – Dieta është ideale për atë që duan dhe janë të motivuar për të rënë shpejt në peshë. Kjo metodë është e dobishme vetëm nëse bën pjesë në një program më të gjerë rehabilitimi ushqimor. Sidoqoftë, më mirë të konsumoni proteina nayrale dhe të përdorni suplementët ushqimorë vetëm në raste të veçanta. Këta elementë janë pak të shijshëm, nuk të ngopin e të bëjnë të hash vetëm. Kurse me proteinat natyrale, mund të ndash me të tjerët vaktin tuaj apo të shkosh në restorant me shokët.

Çfarë mendoni? Komentoni më poshtë...

Postime të tjera...